சூரணம் எப்படி செய்வது

உலர்ந்த வேர், கிழங்கு ,பட்டை, இலை ,பூ ,கனி ,வித்து ,பிசின் முதலிய அனைத்தையும் இடித்து அதனை மிக மெல்லிய துணியால் அல்லது நுண்ணிய சல்லடையில் சலித்து எடுத்து மிக மெல்லிய பொடியை தயாரிப்பதே சூரணம் ஆகும்.

மருந்துகளை தனித்தனியாக இடித்து வேண்டிய அளவில் கலக்க வேண்டும்.
வறுக்க வேண்டிய பொருட்களை தனித்தனியாக கருகாமல் பொன்னிறமாக வறுக்க வேண்டும்.
எண்ணெய் சத்துள்ள பொருட்களை அம்மியில் அரைத்து சேர்த்துக் கொள்ள வேண்டும்.
சர்க்கரை சேர்க்க வேண்டுமாயின் தேவையானபோது கலந்து கொள்ள வேண்டும்.
ஒரே நேரத்தில் கலந்து வைத்தால் மருந்தின் தன்மை கெடும்.
சூரணத்தை அளவின்படி உட்கொண்ட பின் ஒரு மிடறு தண்ணீர் பருக வேண்டும்.
சூரணங்கள் 3 மாதம் வன்மையுடன் இருக்கும்.