கல்லீரலை பலப்படுத்தும் கீழாநெல்லி

கீழாநெல்லி பயன்கள்

• மஞ்சள் காமாலை, கல்லீரல் தொடர்பான நோய்கள் இவற்றிற்கு மிகச் சிறந்த தீர்வாக அறியப்படுகிறது.

• கண் நோய்கள், தலைவலி, உடல் சூடு, தோல் நோய்கள் , தலை முடி பராமரிப்பு இவற்றிற்கும் பயன்படும்.

• சிறுநீரைப்பெருக்கி சிறுநீரகம் தொடர்பான நோய்களை சரி செய்யும்.

• சர்க்கரை அளவைக் கட்டுப்படுத்தும்.
• மலட்டுத் தன்மையைப் போக்கும்.

கீழாநெல்லியை எளிதாக உட்கொள்ள வழிகள் சில..

வரும்முன் காக்க என்பதிற்கேற்ப, கீழாநெல்லி கீரையை உணவில் அவ்வப்போது சேர்த்து வர, கல்லீரல், சிறுநீரகம் சம்பந்தமான பல நோய்களை தவிர்க்கலாம்.

• கீழாநெல்லியை மையாக அரைத்து சாறாக்கி அப்படியே குடிக்கலாம்.
• பசலை, முடக்கத்தான் கீரைகளை போல அரைத்து மாவில் கலந்து தோசையாக சாப்பிடலாம்.
• பொடி செய்து மோரிலோ, வெந்நீரிலோ கலந்து குடிக்கலாம்.

மேலும் படிக்க – தொண்டை கரகரப்பு,தொண்டை பிடிப்பு – உடனடி நிவாரணம்

இங்கே சூப் செய்வது எப்படி என பார்க்கலாம்….

கீழாநெல்லி சூப்

பொருட்கள் –

• கீழாநெல்லி – 30-40 gms
• சீரகம் – ½ tsp
• மிளகு – ½ tsp
• இஞ்சி – 2 அங்குலம்
• பூண்டு – 2 பல்
• தண்ணீர் – 1.5 to 2 கப்
• உப்பு – தேவைக்கேற்ப

செய்முறை –

• வாணலியில், 1 ஸ்பூன் அளவு எண்ணெய் விட்டு, அது சூடானபின் சீரகம் போட்டு வெடித்த பின், பொடியாக நறுக்கிய இஞ்சி மற்றும் பூண்டு பற்களை போடவும்.
• நன்றாக கலந்து 2 நிமிடங்களுக்கு நல்ல மணம் வரும் வரை வதக்கவும்.
• இதனிடையில், நன்கு நறுக்கிய கீழாநெல்லி கீரையை வதங்கிய இஞ்சி பூண்டின் மீது போடவும். (கீழாநெல்லி காம்போடு சாப்பிட கூடியது, நறுக்கி சமைத்தால் உண்பது சுலபம்.)
• தேவையான ளவு தண்ணீர் சேர்த்து கலக்கவும்.
• மிதமான தணலில் 5-6 நிமிடங்கள் வரை கொதிக்க விட, கீரின் சத்தும் சாரும் நன்கு தண்ணீரில் இறங்கிவிடும்.
• அடுப்பை அணைத்து, சூடாக பரிமாறவும்.